El mga autoridad ya aresta con un notorioso vendedor de droga ilegal y ya confisca P3.4 millones valor de shabu na un operacion contra droga na provincia del Lanao del Sur, asegun con un official del Viernes.
Si Gil Cesario Castro, el director del Philippine Drug Enforcement Agency (PDEA) na Bangsamoro Autonomous Region in Muslim Mindanao (BARMM), ya identifica con el arestao notorioso suspechao como si alias Angko, 35 años el edad y residente del Barangay Kanyugan Papandayan, ciudad de Marawi, Lanao del Sur.
Asegun con Castro, con Angko ya aresta na un operacion de compra busto del Miercoles na Purok 4, Barangay Matampay, ciudad de Marawi.
Asegun con Castro, ya confisca na posesion de Angko 500 gramos de suspechao shabu enpaquetao na sinco transparente plastico sobrecitos que tiene el valor de P3.4 millones, un motorciclo, dinero de compra busto, y tarjetas de identificacion.
Asegun con Castro, el operacion de compra busto ya conduci el mga agentes del PDEA con el suporta del policia siguiendo el vigilancia intensiva na actividades del arestao suspechao.
Asegun con Castro, si Angko resonsable na un gran comercio de droga ilegal hinde lang na ciudad de Marawi pero extendido tamen su coneccion na mga sercanos municipios na provincia del Lanao del Sur.
Si Castro ya habla, el arestada de Angko es un significante acomplicimiento na de ila esfuerzos hunto con el gobierno del ciudad de Marawi para desmantela con mga conecciones de droga ya opera na mencionao lugar. (B. Garcia)