El govierno provincial del Basilan ya implementa del Martes un programa de lavida por medio de distribucion de baka y carabao con 100 beneficiarios.
El Governador Hadjiman Hataman-Salliman del Basilan amo el ya encabesa con el distribucion del mga baka y carabao que ya ase na oficina del veterinario del provincia na Barangay Sumagdang ciudad de Isabela.
Si Dr. Sham Aguisanda, el veterinario del provincia, ya ayuda con Sallimam distribuji con el mga baka y carabao con mga beneficiaries, quien mga agricultor del diferente municipios y ciudad del provincia del Basilan.
Na su mensaje, si Salliman ya habla cay el programa de distribucion del mga baka y carabao es un actividad anual del su administracion para ayuda con mga beneficiario agricultor na de ila lavida.
Si Salliman ya habla cay su administracion ay omenta con el programa de lavida cay el actividades de economia del provincia ya bira ya ara na normal despues del pandemia. (B. Garcia, photo courtesy of Basilan PIO)