Davao del Norte – Arestado ang 4 ka indibidwal human nga gikasa sa mga sakop sa PDEA Regional Office (PDEA) XI kauban ang Tagum City Police Station human nga gikasa ang buy bust operation sa Purok Cogon, Pearl Street, Barangay Visayan Village, Tagum City.
Giila sa kapulisan ang mga dinakpan nga silas Albin Biluan Pumar alyas Dodong, Akmad Amerol Agawi alyas Pablo, Sanjie Edig Osmin ug Yasser Andi Tina.
Nakuha sa posisyon sa duha ang 5grams sa shabu nga nag-kantidad og P30,000 pesos ug 6 ka mga pakete sa shabu, mutimbang og 65grams, Marijuana nga tanom ug shabu paraphernalia.
Sumatotal muabot sa P472,000 pesos ang kantidad sa mga nasakmit nga iligal nga droga.
Ang mga suspek mag-atubang sa kasong paglapas sa RA 9165 Comprehensive Dangerous Drugs Act of 2002. (Camille Santos Naraga)
(Source: PDEA XI)