Zamboanga: BARMM ya distribui maquinaria con 45 cooperativas de siembrador

0
7
Photo courtesy of BARMM PIO

El Bangsamoro Autonomous Region in Muslim Mindanao (BARMM) ya distribui valor de P7.1 millon maquinaria de agricultura con 45 cooperativas de siembrador na Special Geographical Area (SGA), Maguindanao del Sur y na Maguindanao del Norte.

Asegun con el BARMM, el distribucion de trilladoras de arroz ya hace del Jueves na Barangay Simuay Sultan Kudarat, Maguindanao del Norte.

Asegun con el BARMM, el distribucion del mga trilladoras de arroz es parte del suporta de busca lavida nombrao como el Oplan Bangsamoro Rapid Assistance (OBRA) del proyecto Tulong Alay sa Bangsamorong Nangangailangan (TABANG).

El Tabang es uno del mga programa insignia de BARMM Chief Minister Ahod Ebrahim que ta extende imediatamente suporta con mga residentes adentro y apuera del region autonomo.

El distribucion del trilladoras de arroz intendido para dale largo termino intevencion con mga siembrador, incluido repuesta rapida intervencion de busca lavida que ay solve el falta acceso na produccion agricultural.

Asegun con el BARMM, el distribucion del trilladoras de arroz esperansao mejora con el proceso despues del cosecha del mga beneficiaries que esencialmente ay contribui na regional contexto. (B. Garcia)

Leave a Reply