El Ministerio de Asentamientos Humanos y Desarollo, o MHSD, na Bangsamoro Autonomous Region in Muslim Mindanao, hay construi 25 decente casa para del mga indigentes familiares na Special Geographic Area (SGA) del region autonomo.
Si Esmael Ebrahim, el director-general del MHSD, ya habla del Sabado, el proyecto de casa hay construi na Barangay Kibayao, Kapalawan, SGA.
Asegun con Ebrahim, cada un casa tiene el anchor del piso de 48 metros cuadrado con tres posento, comedor, sala y common escusao y baño.
Asegun con Ebrahim, el seleccion del mga beneficiarios hay sigui na reglamento que ya hace el Housing and Human Settlements Division en liña con el necesidades del comunidad y insercion del mga partes interesadas local que hay anuncia despues.
El disposicion del mga casa para con mga pobre familias na BARMM, incluido aquellos ya perde casa por causa na calamidad, es parte del prioridad del Primer Ministro Ahod Ebrahim. (B. Garcia)