El mga autoridad ya aresta tres personas cuando ya desmatela sila un cuarto de droga ilegal na un operacion contra droga na provincia del Basilan, asegun con el Philippine Drug Enforcement Agency (PDEA) del Lunes.
Si Gil Cesario Castro, el director del PDEA na Bangsamoro Autonomous Region in Muslim Mindanao (BARMM), ya identifica con el arestao tres personas como canda Randy Largo Sagadsad; Ryan Paredes Lequin; and, Robert Revieo Abiy.
Asegun con Castro, con el tres suspechao ya aresta na un operacion de compra busto que ya resulta na desmantelada del cuarto de droga del Viernes na Calle Onse, Barangay Maligaya, ciudad de Lamitan, Basilan.
Si Castro ya habla, ya confisca y recubri na desmantelao cuarto de droga sinco gramos de suspechao shabu enpaquetao na sinco termosellada transparente plastico sobrecitos que tiene el valor de P34,000, dinero de compra busto, varias parafernales de droga ilegal, un celpon y mga tarjetas de identificacion.
Si Castro ya habla, con el tres suspechao hay planta el caso por violacion del Ley Integral de Drogas Peligrosas de 2002.
El operacion de compra busto ya conduci el mga agentes del PDEA-BARMM con el suporta del mga unidades del policia y fuerza militar. (B. Garcia)Â