El Alcalde John Dalipe ya alaba con el mga ateletas Zamboangueños, quien ya participa na reciente-concluido Batang Pinoy Games 2024.
El alabanza de Dalipe ya vene despues que el delegacion de ciudad de Zamboanga claficicado septimo (ranked seventh) fuera del 177 delegaciones atleticos, quien ya participa na Batang Pinoy Games 2024.
Si Dalipe ya nota, el mga atletas del ciudad de Zamboanga ya captura total de 74 medallas—29 oro, 26 plata, y 19 bronze.
“Felicidades con mga ateletas, entrenadores, y officiales por el todo esfuerzo de ustedes y para lleva honor y orgullo con el ciudad de Zamboanga,” si Dalipe ya habla na un declaracion.
“El gobierno del ciudad esta orgulloso con ustedes,” si Dalipe ya omenta.
El ciudad de Zamboanga ya imbia 133 atletas y 33 enrenadores para na esta año Batang Pinoy games.
El Batang Pinoy Games 2024 ya hace desde November 23 hasta 28 na Ramon Mitra, Jr. Sports Complex na ciudad de Puerto Princesa, Palawan. (B. Garcia)