El mga autoridad ya confisca P6.8 millones valor de smuggled cigarillo na provincia del Lanao del Norte, asegun con el policia del Miercoles.
Asegun con el policia, con el mga smuggled cigarillo ya confisca mga alas 10 del Domingo denoche na Barangay Piraka, Sultan Naga Dimaporo, Lanao del Norte.
Asegun con el policia, base na informacion del mga residentes na Barangay Piraka, un tal Acmad el dueño del mga smuggled cigarillo.
Asegun con el policia, nohay puede aresta con Acmad siendo nohay ele na lugar cuando ya llegal el mga pulis y ya confisca con el mga smuggled cigarillo.
El mga pulis ya columbra con el camada del mga cajon de smuggled cigarillo mientras ta conduci sila patrulla na Barangay Piraka.
Asegun con el policia, total de 170 cajon de diferentes clase de smuggled cigarillo que tiene el valor de P6.8 millones el ya puede confisca el mga pulis.
Con el mga confiscao smuggled cigarillo ya lleva na cuartel del policia na municipio del Sultan Naga Dimaporo y hay entrega con el mga contrabando na Buro de Aduana para el propio disposicion. (B. Garcia)