Un persona mas buscada el ya aresta el mga autoridad na un operacion de aplicacion de ley na provincia del Norte, asegun con el policia del Miercoles.
Si Police Colonel Roy Magsalay, el director del policia na provincia del Lanao del Norte, nohay nombra con el arestao persona excepto de habla’r el acusao un 42 años siembrador.
Asegun con Magsalay, con el acusao ya aresta na un operacio de aplicacion de ley por medio na implementacion de un orden de aresto mga alas 5:19 del Sabado tarde na Purok 6, Sitio Masolon, Barangay Abaga, Lala, Lanao del Norte.
Asegun con Magsalay, el arestao acusao tiene el pendiente orden de aresto con P30,000 recomendao piansa por el crimen de abuso carnal que ya dale el un corte na municipio del Kapatagan, Lanao del Norte del Septiembre 6, 2004.
Asegun con Magsalay, con el arestao persona ya pone bajo’l custodia del policia na municipio de Lala para el documentacion y mas del disposision. (B. Garcia)