El Coast Guard District Bangsamoro Autonomous Region in Muslim Mindanao (CGDBARMM) oficialmente ya inagura con el nuevo edeficio del Coast Guard Station na provincia del Basilan.
Asegun con el CGDBARMM, con el nuevo edeficio ya inagura del Martes na Sitio Inner Lagasan, Barangay Kulay Bato, ciudad de Lamitan, Basilan.
Si Commodore Marco Antonio Gines, el comandante del CGDBARMM y Coast Guard District Southwestern Mindanao (CGDSWM), quien el juesped de honor durante el inaguracion, ya dale su sincero gratitud con Muslimin Jakilan, un miembro del Parliamento del Bangsamoro Transition Authority (BTA) y su grupo por el de ila generoso donacion.
El Coast Guard Station (CGS)-Basilan ya extende tamen su gratitud con Alcalde Roderick Furigay del ciudad de Lamitan for el donacion del 1,000 metros cuadrado lote donde ya construi con el nuevo edeficio.
Si Jakilan ya expresa su ancias sobre el positivo cambio el desarollo hay lleva na provincia del Basilan.
El inaguracion del edeficio ta significa el inquebrantable compromiso del CGDBARMM y CGS-Basilan para mejora el capabilidades y desarollo para servi con el publico. (B. Garcia)