El mga autoridad ya aresta un persona y ya confisca P15.3 millones valor de contrabando na un operacion de aplicacion de ley na provincia del Zamboanga Sibugay, asegun con el policia del Miercoles.
El mando regional del policia nohay nombra con el arestao persona puera lang de habla’r un 25 años obrero el suspechao.
Asegun con el policia, con el obrero ya aresta durante un operacion de aplicacion de ley del Martes na Purok 4, Barangay Laih, Siay, Zamboanga Sibugay.
El mga operativas ya confisca 261 cajon, 314 reams y 33 caja de clasificado cigarillo que tiene el estimao valor de P15,318,926.
Con el arestao obrero y confiscao contrabando ya pone bajo’l custodia del policia na municipio de Siay para el propio documentacion y disposicion.
El policia ya conduci el operacion contra smuggling en suporta y coordinacion del Buro de Aduana, demostrando el continuando esfuerzo colaborativo para combate el ilegal importacion y distribucion de contrabando na region. (B. Garcia) (Photo Courtesy of PRO-9)