Ya aresta con un oficial de barangay el mga autoridad na un operacion de aplicacion del ley na provincia del Maguindanao del Sur, asegun con el policia del Viernes.
El policia ya identifica con el arestao como si Norodin Utto, 35 años el edad, y barrio capitan del Panadtaban, Rajah Buayan, Maguindanao del Sur.
Asegun con el policia, con Utto ya aresta na un operacion de aplicacion de ley por medio na implementacion de un orden de aresto mga alas 3 del Jueves tarde na Barangay Poblacion, Lambayong, Sultan Kudarat.
Asegun con el policia, si Utto tiene pendiente orden de aresto con recomendao piansa de P10,000 por violacion del Ley de Republica 10591, mas conocido como el Comprehensive Firearms and Ammunition Regulation Act.
Si Utto ya obtene temporario libertad despues que ya paga le piansa de P10,000. (B. Garcia)