El 11th Infantry Division (11ID) ya inicia cambio na uno del mga oficinas del mando, asegun con el militar del Martes.
Asegun con el 11ID, el cambio envuelto el jefe del oficina de subdirector de personal para logistica.
Asegun con el 11ID, ya instola con Teniente Coronel Donato Molina como el nuevo jefe del oficina de subdirector de personal para logistica y ele ya releva con Teniente Coronel Nida Gutierrez.
El ceremonia del cambio del jefe de oficina de subdirector de personal para logistica ya conduci del Lunes na cuartel del 11ID na Kuta Heneral Teodulfo Baustista na Barangay Busbus, Jolo, Sulu.
Si Brigadier General Christopher Tampus, el asistente comandante de division para administracion y operaciones amo el ya encabesa con el ceremonia del cambio del jefe de oficina.
Durante el ceremonia, si Tampus ya comenda con Gutierrez por su esfuerzos, enfatizando el critical papel de logistico en asegurar el exito del dividion.
Na su mensaje de despidida, si Gutierrez ya expresa su gratitud con Major General Leonardo Peña, comandante del 11ID, y tambien con el de suyu grupo por el de ila inquebrantable suporta durante su tenencia.
Si Molina ya jura mejora con el operaciones logistica del mando, asegurando cay el 11ID ya esta bien equipado, preparao para el mision, y capable sostene su efectividad operativa. (B. Garcia)