El mga autoridad ya aresta con un chufer de habal-habal y ya confisca valor de P136,000 droga ilegal na un operacion contra droga na provincia del Zamboanga del Norte, asegun con el policia del Jueves.
El mando regional del policia, ya identifca con el arestao suspechao como si Arjen Sumicao Fermin, 32 años el edad.
Asegun con el policia, con Fermin ya aresta na un operacion contra droga ilegal mga alas 5:08 del Martes tarde na Purok Isla Degami, Barangay Turno, ciudad de Dipolog, Zamboanga del Norte.
Asegun con el policia, ya confisca na posesion de Fermin 20 gramos de suspechao shabu enpaquetao na un diutay y dos grande termosellada plastico sobrecitos que tiene el valor de P136,000, y dinero de compra busto.
Con el arestao suspechao ya detene en preparacion para el plantada del asunto contra conele por violacion del Ley Integral de Drogas Peligrosas de 2002.
Asegun con el policia, el operacion es parte del en curso esfuerzo para combate contra actividades de droga ilegal na region. (B. Garcia)