El mga autoridad ya aresta con el uno del mga personas mas buscada na pais, quein tiene premio de P1.2 millon y ta esconde por mas de 16 años, na un operacion de aplicacion de ley na provincia de Sarangani, asegun con el Area Police Command-Western Mindanao (APC-WM).
Si Police Lieutenant General Jonel Estomo, jefe del APC-WM, ya nombra lang con el arestao persona mas buscada como un tal Commander Jinky, 50, un antes personajes medical del Frontera de Guerrila-TALA del New People’s Army (NPA) na lejos Region del sur Mindanao.
Asegun con Estomo, con Jinky ya aresta na un operacion de aplicacion de ley por medio de servi’r orden de aresto na Purok 9, Barangay Poblacion, Alabel, Sarangani, del Lunes.
Si Estomo ya habla, si Jinky tiene pendiente orden de aresto por el crimen de matansa sin recomendao piansa que ya dale el un corte na Alabel, Sarangani del Octubre 8, 2007.
Asegun con Estomo, si Jingky envuelto na matansa de Vicente Villarosa del Agosto 16, 2002 na Purok 10, Barangay Spring, Alabel.
Asegun con Estomo, si Jingky, quien un residente del Barangay J.P. Laurel, ciudad de Panabo, provincia del Davao Del Norte, tiene P1.2 millon premio para su aresto base na lista del personas mas buscada nacional del Departamento de Interior y Gobierno Local.
Si Estomo ya habla, con Jingky ya aresta mga personajes del policia na provincia del Sarangani y Region 12 con el suporta del 73rd Infantry Battalion del Army. (B. Garcia)
