Un oficial de barangay el ya aresta y ya confisca valor de P115,600 droga ilegal el mga autoridad na provincia del Zamboanga Sibugay, asegun con el Philippine Drug Enforcement Agency (PDEA) del Jueves.
Asegun con Maharani Gadaoni-Tosoc, el director regional del PDEA, con el arestao oficial ya conoce como si Bena Edris, 38 año el edad, un kagawad na Barangay Bulaan, Buug, Zamboanga Sibugay.
Asegun con Gadaoni-Tosoc, con Edris ya aresta na un operacion de aplicacion de ley por medio de servi’r un orden de enbuscada mga alas sinco del aga na Purok 5, Barangay Bulaan, Buug.
Asegun con Gadaoni-Tosoc, si Edris listao como un high-value target del PDEA na campaña contra droga illegal.
Pero asegun con Gadaoni-Tosoc, el compañero de Edris, nombrao como si Omar Edris, 37 años el edad, ya puede escapa.
Si Gadaoni-Tosoc ya habla, ya confisca durante el implementacion del orden de enbuscada mas o menos 17 gramos de suspechao shabu enpaquetao na 15 plastico sobrecitos que tiene el valor de P115,600 y mga parafenales de droga ilegal.
El PDEA hay planta el asunto contra con el dos suspechao por violacion del Seccion 11 y 12, Articulo II del Ley de Republica 9165.
Asegun con Gadaoni-Tosoc, con el orden de enbuscada ya implementa el mga operativas de PDEA con el suporta del policia. (B. Garcia)
