Un pulis el ya muri na un incidente de tiroteo na provincia del Basilan, asegun con el policia del Jueves.
El policia ya nombra con el fatalidad como si Patrolman Khalid Sali Ahmad designao na 1st Basilan Provincial Mobile Force Company (PMFC) y un miembro de facultad del Mindanao Autonomous College Foundation, Inc.
Asegun con el policia, con Ahmad ya tira el uno del dos desconocidos personas muntao na un motorciclo mga alas 8:20 del Martes denoche na Barangay Colonia, ciudad del Lamitan, provincia de Basilan.
Asegun con el policia, con Ahmad ya tira cuando ya precura le ataja con un motorciclo muntao el dos suspechao mientras ta conduci le checkpoint hunto con otro mga personajes del 1st Basilan PMFC ma Barangay Colonia.
Con Ahmad enseguidas ya lleva na Lamitan District Hospital pero ya declara conele muerto el doctor.
El mga suspechao ya escapa para na direccion del Barangay Campo Uno, ciudad de Lamitan.
Dos capsula de calibre .45 pistola el ya recubri na lugar del crimen. (B. Garcia)
