Un “High-Value Target (HVT)” el ya aresta y valor de P3.4 million droga ilegal el ya confisca el mga autoridad na un campaña contra droga na provincia de Sulu, asegun con el Philippine Drug Enforcement Agency-Bangsamoro Autonomous Region in Muslim Mindanao (PDEA-BARMM) del Miercoles.
El PDEA-BARMM ya identifica con el arestao HVT suspechao como si Reximar Muhammad, 30 años el edad y residente del Sitio Kantalang, Barangay Danag, Patikul.
Asegun con el PDEA-BARMM con Muhammad ya aresta na un “buy-bust operation” na Barangay Seit Lake, Panamao, Sulu del Martes.
El PDEA-BARMM ya habla cay ya puede confisca na posesion del Muhammad mas o menos 500 gramos de suspechao shabu que tiene el valor de P3.4 millon, un celpon, y markao sen.
Ya detene con el arestao suspechao en preparacion para del plantada del formal asunto contra conele por violacion del “Comprehensive Dangerous Drugs Act of 2002”.
Asegun con el PDEA-BARMM con el suspechao ya aresta con el suporta del policia, fuersa militar y National Intelligence Coordinating Agency. (B. Garcia) (Photo Courtesy of PDEA-BARMM)