El mga autoridad ya aresta un antes miembro del grupo Abu Sayyaf, o ASG, na un operacion de aplicacion del ley na provincia del Basilan, asegun con el policia del Jueves.
El policia, ya nombra lang con el arestao antes miembro del ASG como si alias Okkok, un residente del municipio de Tabuan-Lasa, Basilan.
Asegun con el policia, con Okkok ya aresta na un operacion de aplicacion de ley por medio na implementacion del un orden de aresto mga alas 2:25 del Martes aga na Barangay Babag, Isla de Bubuan, Tabuan-Lasa, Basilan.
Asegun con el policia, si Okkok tiene pendiente orden de aresto por el crimen de doble matansa sin recomendao piansa que ya dale el un corte na ciudad de Isabela, provincia de Basilan del Junio 4, 2018.
El policia ya habla, si Okkok envuelto na mucho incidentes de emboscada y tiroteo na provincia del Basilan.
Con el arestao antes miembro del ASG, ya lleva na quartel del policia na Basilan para el propio documentacion y disposicion. (B. Garcia)