Tres personas el ya aresta y ya confisca valor de P4.4 millones contrabando el mga autoridad na un operacion contra smuggling na provincial del Zamboanga Sibugay, asegun con el policia del Miercoles.
Si Police Brigadier General Bowenn Joey Masauding, el director del mando regional del policia, o Police Regional Office-9 (PRO-9), nohay nombra con el tres arestao personas quien todo mga hombres y tiene el edad de 39 años, 43, y 26.
Asegun con Masauding, con el tres personas ya aresta y contrabando ya confisca abordo na dos vehiculos mga alas 7 del Martes aga na Purok Euporbia, Barangay Lutiman, Alicia, Zamboanga Sibugay.
Asegun con Masauding, con el 39 años suspechao ya aresta ta transporta 79 cajon de cigarillo que tiene el valor de P1,890,900 mientras con el otro dos suspechao ya cogi ta tansporta 39 cajon y 341 reams de cigarillo con el valor de P2,578,500.00.
Si Masauding ya habla, con el mga arestao suspechao y confiscao cigarillo ya lleva para na quartel del policia na municipio del Alicia, Zamboanga Sibugay para el propio proceso y disposicion. (B. Garcia)