Tres personas, incluido dos individuales de alto valor o HVI, el ya aresta el mga autoridad y ya confisca valor de P1.7 millones droga ilegal na un operacion contra droga na ciudad de Zamboanga, asegun con el policia del Jueves.
El policia ya identifica con el dos suspechao HVI como canda Julmain Salim, 35; y si Basik Jamih, 47.
El otro arestao suspechao amo si Temhar Masdal, 39, un nuevo identificao personalidad de droga ilegal.
Asegun con el policia, con el tres suspechao ya aresta na un operacion de compra busto mga alas 9:30 del Miercoles denoche na Zone 5, Barangay Divisoria, ciudad de Zamboanga.
Asegun con el policia, ya confisca na posesion del tres arestao suspechao 250 gramos suspechao shabu enpaquetao na sinco termosallada transparente sobrecitos plastico que tiene el valor P1.7 millones, tres balutan de 349 pedaso de falsificao P1,000 ya usa como soborno dinero que ya pone incima un real P1,000 como markao dinero, dos motorciclos, bolso bandolera, y un paquete plastico de un compania de mensajero. Â Â
El policia ya habla, con el mga arestao suspechao ya detene na facilidad de detencion del Zamboanga City Police Office en preparacion para el plantada del asunto contra canila por violacion del Ley Integral de Drogas Peligrosas de 2002.
El policia ya habla, con el mga suspechao ya aresta el mga personajes del Regional Drug Enforcement Agency=9. (B. Garcia)