El delegacion del ciudad de Zamboanga ya vaija ya del Viernes para participa na aca-ocho “National Paragames 2024” na Manila.
Asegun con el Alcalde John Dalipe, el delegacion del ciudad hay participa na tres eventos del “National Paragames 2024” que hay comensa na Lunes, Noviembre 11, hasta Jueves, Noveimbre 14.
Asegun con Dalipe, el tres eventos que hay participa mga Zamboangueños hay inclui el “track and field, badminton, y swimming”.
El mga eventos de deportes hay conduci na dos lugar como na “Rizal Memorial Sports Complex” na ciudad de Manila y “PhilSports Arena na ciudad de Pasig.
Si Dalipe ya habla, adelantao el viajada del delegacion del ciudad para dale con el mga atletas bastante tiempo prepara para na de ila cada’y evento de deportes.
El alcalde ya habla, el suporta del gobierno local ya demostra el dedicacion fomenta excelencia atletico y representando con el ciudad de Zamboanga con disticcion na nivel nacional. (B. Garcia)