El “First Chief Master Sergeant” Feliciano Lazo, del Fuersa Armada del Filipinas, o AFP, ya hace visita de cortesia na 11th Infantry Division (11ID) para checkia con el condiciones del mga soldao del mando, asegun con el militar del Domingo.
Si Brigadier General Alexei Musñi, el oficial en-cargao del 11ID, ya recivi con Lazo durante su visitada de cortesia del Viernes na Campo Bautista, que ta servi como el quartel del mando na Baragay Busbus, Jolo, Sulu.
Asegun con Lazo, fuera de chekia’r el condiciones del mga soldao, su visitada amo para empodera con el mga soldados hace de ila deber y responsibilidades, y atende mga asuntos y conciernes que ta afecta con el bienestar y moralidad del mga tropas.
Na su dialogo con mga tropas, si Lazo ya discuti mga saliente policias, directivas, y guia del mando desde’l jefe de AFP como cuida con el bienestar fisica y salud de cada soldao, responsibilidad mejora con el habilidades y capabilidades del mga soldao, y concentra na efectivo y eficientes hacida del funccion en suporta con el mision del mando.
Si Lazo ta asumi como el “AFP Sergeant Major” del Agosto 22, 2023.
Antes del su designacion, si Lazo ya servi como el “Sergeant Major” del “Western Mindanao Command” y 11ID. (B. Garcia)