Pasada alas dose del madrogada enantes, el personahes del ZCPS10 na liderato di PSMS Cristopher Guinilac hunto con el TSC-RMFB9 y 2nd ZCMFC ya conduci un law enforcement operation contra con un wanted persona en relasyon con el Simultaneous Enhancement Management Police Operation (SEMPO) na Mango Drive Barangay de Baliwasan en este ciudad.
El mencionao operacion ya resulta na aresto di Cargiom Lumiges Dumpol, ombre, sultero, helper y residente de Mango Drive, Barangay Baliwasan en este ciudad por medio de un pendiente orden de aresto por el krime de “Slight Physical Injuries” con CC No.# 57213-6519 que ya man issue y sign el presiding Judge Hon. Eduardo I. Ledesma na Branch 4, MTCC, 9th Judicial Region en este ciudad con recomendao pyansa valor de tres mil pesos.
El accusao ta esta ya awra baho na kustodiya del ZCPS10 y expectao man turn over na concierne korte. (Erica B. Javier)
