El Alcalde Maria Isabelle Climaco-Salazar ya asegura cay su administracion comitido suporta con el campanya contra violencia con mga mujeres y mga bata.
Asegun con Salazar su administracion, por medio del City Social Welfare and Development Office bajo liderato de Socorro Rojas, ya conduci mga advocasya contra violencia con mga mujeres y bata durante su nueve anios termino como alcalde del ciudad.
Ya rindi tamen gratitud el Alcalde con el Zamboanga Basilan Integrated Development Alliance Inc. o el ZABIDA for el dedicasyon y espuerso para mejora el calidad del vida del mga desventajao sector aki na ciudad y na sercano provincial de Basilan.
El ZABIDA ya invita con Salazar del Martes para atende el presentacion del un estudio aki na ciudad aserca de violencia contra mga mujeres que ya ase el un periodista, si Frencie Carreon.
El resula del estudio entendido para ayuda con el govierno local y diferente barangays efectivamente solbe mga problema de violencia contra mujers y bata.
El ZABIDA bajo el liderato del Doctora Grace Rebollos compuesto de cuatro non-government organizations que ta ase mga iniciativa de paz, mejoras, democratic governance, y disaster preparedness desde’l anio dos mil siete. (Cristine Falcasantos, photos courtesy of City Government of Zamboanga Facebook page)