Zamboanga: Alcalde desgustao na escapada del 7 suspechao de droga

0
5
photo courtesy of City Government of Zamboanga Facebook page

El Alcalde John Dalipe desgustao aserca el escapada del Lunes madrogada del siete suspechao na caso de droga ilegal na carcel del Philippine Drug Enforcement Agency (PDEA) aqui na ciudad.

Si Dalipe ya describi con el escapo del siete suspechao como un gran retraso na guerra contra droga ilegal aqui na ciudad de Zamboanga.

Aquellos quien ya escapa ya identifica el PDEA como el siguientes: Indanan Sahiban; Junjimar Hajili Aiyob; Jimmy Angeles Sahibol; Kerwin Mohammad Abdilla; Albadir Mala Ajijul; Muhajiran Romeo Jumlah; y si Amil Khan Mahadali Abubasar.

Ya escapa sila na carcel del PDEA na Barangay Calarian en este ciudad mga alas 2:45 del Lunes aga pasando na un diutay agujero na kisame del carcel.

Si Dalipe ya pidi con el oficina central del PDEA para conduci un hondo investigacion aserca el incidente para asegura hay puede identifica y planta caso con todo aquellos quien envuelto na escapo.

Ya pidi tamen si Dalipe con el PDEA y policia local para imediatamente cogi con aquellos quien ya escapa. (B. Garcia)

Leave a Reply