Surigao: Civil security unit sa SNSU Claver Extension gipusil sa Riding in Tandem

0
9
photo credits to the owner

Blanko pa an kapulisan sa motibo sanan pagkilaya sa mga mihimong pagpusil sa isa ka 44 anyos nga civil security guard sa natigayong pagpamusil partikular na sa tulonghaang Surigao Norte State University Claver Extension sa lungsod nan Claver, SDN pasado alas 10 sa buntag sa milabay nga adlaw.

Sa imbistigasyon sa Claver MPS nga naglingkod an biktima sa ganghaan sa maong tulonghaan oras isab nga mitumaw an mga suspek sakay sa waya pa matino nga klase sa motor dajun gipusil an biktima.

Naigo sa nagkalain laing parte sa lawas an biktimang nakilay.an nga si Enrique Acelo, alyas Eking, 44 anyos, residente sa Brgy. Bagacay, Claver, SDN.

Samtang pagrespondi pa sa kapulisan human nga makadawat nan tawag gikan sa concern citizen gilayong gihatod sa hospital an biktima alang sa dinaliang pagpatambay.

Kasamtangan pa nga gilusad an hot pursuit operation nan Claver MPS sa pagpanguna ni PCPT. Markson Almerañez an acting Chief of Police.

Jaon pa sa talandugong kahimtang an biktima subay sa update nan Claver MPS. (Mark James Lisondra)

Leave a Reply