Si Brigadier General Alvin Luzon, el comandante del 101st Infantry Brigade, ya orquesta un acuerdo de paz historico del Lunes entre el adversarios—el familia Latip y Mustapa—na quartel del brigada na Barangay Tabiawan, ciudad de Isabela, provincia de Basilan.
Bajo’l facilitacion del 18th Infantry Battalion que ta encabesa si Tiniente Coronel Mark Serapion Lagud, Jr., 15 mga miembros desde’l ambos peliao familiares ya conveni para queda parte del historico acuerdo de paz.
El conflicto entre el dos familias ya comenza con el acusasiones encontra con John Latip del familia Latip, que un procedemiento legal, con el familia Mustapa ya ordena paga con John P15,000 daños morales.
Sin embargo, el tension entre el dos familias ya alcansa na critical nivel cuando ya mata con John Latip.
El incidente mas ya agrava con el hostilidad y violencia donde el familia Latip ya ataka con el familia Mustapa del Mayo 4 na Sitio Lessem, Barangay Upper Bato-Bato, Akbar, Basilan.
El ataque ya resulta na siete irido miembros del familia Latip y un inocente residente.
Asegun con Luzon, como parte del reconciliacion, ambos familias ya rindi 11 armas de fuego de alta calibre.
El acuerdo de paz ya entre el familia Latip y Mustapa ya hace na presencia del otro mga alto funcionarios de gobierno y militar puera con Luzon and Lagud. (B. Garcia)