Por medio del iniciativa del Team Delipe, siento sesenta’y siete Zamboangueños ya puede logra libre entreno bajo el programa del Technical Education and Skills Development Authority (TESDA).
El elejido alcalde John Dalipe ya participa na training induction program ayer que ta dale importancia na technical education and skills enhancement training.
El entreno ta ase por medio del supporta del Winzelle International College, Advance-tech International Manpower Training Center y el TESDA.
Si Dalipe ya habla cay debe maga estudiante toma ventaja con el oportunidad bajo el NC-2 program for heavy machineries y organic agriculture.
Incluwido tamen na entreno si quemodo cusi pan, produci postre, compone computer y events management services.
Hunto con el Congresista Manixx Dalipe, el Alcalde Dalipe ta asegura cay ay puede sila dale pa mas program del scholarship aki na ciudad. (Jennyrose Delos Santos)
