Como mandato del Alcalde John Dalipe, el maga concierne oficina y personahes del govierno lokal ta trabaha ya con el land acquisition phase del nuevo proyekto Zamboanga International Airport, usando el dos cientos milyon pesos initial funding para na kumprada del tierra.
Ika-cuatro vez asegun desde ya asume na oficina el alcalde tres semana ya pasa, el maga personahes estaba na concierne oficina na encabesamiento del City Planning Office ya convena del byernes aga hulyo veinte dos.
Donde ya hace sila sale el maga logistical issues y otro pa maga requirements para kumpleta el proseso del land acquisition y survey activities na proposed ciento setenta’y sinco hektarya site na Barangay Mercedes-Talabaan-Zambowood area, deci syete kilometro lehos na propyo ciudad.
El District II Congressman Mannix Dalipe ya initia con el inclucion del initial dos cientos milyon pesos pondo del año dos mil deci nueve General Appropriations Act y otro pa otso cientos milyon pesos del año dos mil veinte GAA para prinsipya con el proyekto.
El asegun nuevo proyekto con trese en puto nueve bilyon pesos valor, expectao queda un word-class infrastraktura con state-of-the-art facilities, donde ta man feature el terminal building, seis jet bridges, un controlao tore, maga pasada de taxi y aprons y el tres mil, cuatro cientos metro runway para acomoda con el maga pesaw aircraft. (Cristine Falcasantos, photo courtesy of City Government of Zamboanga Facebook page)