Un agricultor el ya iri despues ya tajia conele su compañero na vivida o tomada na un lejanos barrio qui na ciudad, asegun con el policia local del Jueves.
El Zamboanga City Police Station 2 (ZCPS2) ya nombra con el victima como si Aris Jay Noyad, 21, un siembrador.
Asegun con el ZCPS2 el incidente ya ocuri mga alas 8:30 del Miercoles denoche na Sitio Sapa Colebra, Barangay Latuan, en este ciudad.
Base na investigacion del ZCPS2, antes de incidente, ya man tomahan canda Noyad y el suspechao, si Romeo Cabayacruz, 56 años el edad.
Asegun con el ZCPS2, ya espera si Cabayacruz con Noyad cuando pa bolbida ya el victima y ya tene sila caliente argumento.
Amediante del de ila purpiajan, Si Cabayacruz ya jala su bolo desde’l vaina y ya comensa tajia con Noyad, quien ya sostene irida na frente, detras, braso, y pierna.
Con Noyad ya lleva para na Cristino Paragas Memorial Hospital para el curada medical mientras si Cabayacruz ya istindo para na buugan.
El mga personajes del ZCPS2 ta ase enbuscada ahora con Cabayacruz. (B. Garcia, photo courtesy of ZCPS2)