Zamboanga: 1 arestao por ilegal posesion de pusil, droga ilegal

0
8

Un persona el ya aresta mga autoridad por ilegal posesion de armas de fuego y droga ilegal na Sur Cotabato, asegun con el militar del Jueves.

Asegun con el Western Mindanao Command (Westmincom) con el arestao persona ya conose como si Reyden Talik, 25, un residente del Purok Luguisan, Barangay Bentung, Polomolok, Sur Cotabato.

Asegun con el Westmincom, con Talik ya aresta na un checkpoint del Lunes na Barangay Koronadal proper, Polomolok.

Asegun con el Westmincom, ta conduci checkpoint mga personajes del 5th Scout Ranger Battalion cuando ya ase sila para un coche que ta maneja si Talik para inspecciona.

Durante el inspeccion, el mga soldao ya puede descubri un calibre .45 pistol y sinco pakete de suspechao shabu na coche de Talik.

Asegun con el Westmincom ya falla presenta documento si Talik del su armas de fuego.

Enseguidas ya coordina mga soldao con el policia del Polomolok y oficiales de Barangay Koronadal proper para el propio accion.

Despues del inspeccion y investigacion, ya pone el policia con Talik bajo el aresto y ya lleva conele na precinto para el propio disposicion. (B. Garcia, photo courtesy of 5th Scout Ranger Battalion)

Leave a Reply