El Departamento de Bienestar Social y Desarollo, o DSWD, en colaboracon con el gobierno local, ya distribui P6.892 millones ayuda financial con 3,446 beneficiarios na ciudad de Zamboanga, asegun con el DSWD del Domingo.
Asegun con el oficina regional del DSWD, el ayuda financial es bajo el programa de “Assistance to Individual in Crisis Situation (AICS)” del agencia.
El distribucion del ayuda financial ya hace del Viernes na coliseum del Alcalde Vitaliano Agan na Barangay Tetuan.
Asegun con del DSWD, canda uno del mga identificao beneficiarios ya recivi P3,000.
Cada uno tamen de ila ya recivi sinco kilos de arroz estaba na gobierno local.
Na total de 3,446 beneficiariso, 248 de ila de Barangay Ayala; 218, Cawit; 184, Calarian; 229, Capisan; 225, Dulian-Upper Pasonanca; 227, Recodo; 238, Sinunuc; 219, Talisayan; 318, Maasin; 223, Malagutay, 190, Lumayang; 234, Mercedes; 250, Lunzuran; 244, Lumbangan; y, 199, Baluno.
El objetivo del programa de AICS amo para ayuda con mga pobre vivientes quien bajo el crisis para obtene de ila necesidades. (B. Garcia)