Un 45 años persona quien tiene pendiente asunto criminal el voluntaryamente ya rindi na otoridad aqui na ciudad de Zamboanga, el pulisiya local ya anuncia del Lunes.
El pulisiya local ya nombra con el acusao quien ya rindi como si Sattal Musa Jangkalan alias Abdul Musa Albani, un residente de Sitio Tualang, Barangay Muti, este ciudad.
Asegun con el pulisiya si Jangkalan voluntaryamente ya rindi mga alas 3:56 del Domingo tarde na quartel del 2nd Zamboanga City Mobile Force Company na R.T. Lim Boulevard, Barangay Baliwasan, este ciudad.
El pulisiya ya habla cay si Jangkalan tiene pendiente orden de aresto por el crimen de “frustrated murder” con recomendao piansa de P200,000 que ya dale el un jusgado del ciudad de Zamboanga del Agosto 30, 2023.
El 2ZCMFC ya entraga con Jangkalan para na custodiya del Zamboanga City Police Station 11. (B. Garcia, photo courtesy of 2ZCMFC)