Zamboanga: 1 irido na bangga-an de un motor y un coche

0
7

Un persona el ya iri cuando ya man bangga-an el un motorsiclo y un coche de cuatro ruedas na costa weste del ciudad de Zamboanga, el pulisiya local ya habla del Lunes.

El Zamboanga City Police Station 9 (ZCPS9) ya nombra con el victima como si Roderick Revelo 25 años el edad, el chufer del motorsiclo y residente del Zone 7, Barangay Ayala, este ciudad.

Asegun con el ZCPS9 el incidente ya ocuri mga alas 6:15 del Domingo denoche na Barangay Recodo na costa weste del ciudad.

Nohay pasa nada con el chufer del coche nombrao como si Richelle Sacramento, 41 años el edad, un negocianta y residente del Calle Daisy, Barangay Guiwan, este ciudad.

Base na investigacion, ya man bangga-an el motor y coche cuando ya crosa si Revelo para na otro lao del camino despues que ya precura le man lampas con otro vehiculo.

Si Revelo ta corre para na direccion de costa weste myentras si Sacramento ta viaja para na direccion del pueblo durante el incidente.

Asegun con el pulisiya nohay conforma si Revelo que lleva conele na hospital maskin ya sustene le irida na mano y pierna.

Ya dale “first aid” con Revelo si Sacramento myentras na quartel sila del ZCPS9. (B. Garcia, photo courtesy of ZCPS9)

Leave a Reply