Zamboanga: Acusao de estafa ya aresta el pulisiya

Ya aresta mga personajes del pulisiya local con un wanted persona na un implementacion de un orden de aresto aqui na ciudad de Zamboanga.

Asegun con el Zamboanga City Police Station 9 (ZCPS9) con el arestao wanted persona ya conose como si Joffrey Garcia, 44 años el edad.

Asegun con el ZCPS9 con Garcia ya aresta mga alas 7:29 del Huwebes aga na Zone 1, Barangay Cawit, en este ciudad.

Asegun con el pulisiya cay si Garcia tiene pendiente orden de aresto por el crimen de estafa con el piansa de P18,000 que ya dale el un jusgado del ciudad de Zamboanga del Agosto 30, 2023.

El arestao acusao de estafa detenido temporaryamente na quartel del ZCPS9.

(B. Garcia)
(Photo courtesy of ZCPS9)