Banda alas 11:40 del aga ayer un concierne persona el ya llyama na Police Station 9 Ayala y ya reporta que tiene ya occuri accidente vehicular na costa weste particularmente serca na fuente del barabngay ayala. Donde ya sale invuelto na mencionao insidente el un motorsiclo Yamaha Mio soul con temporary plate number 0901-0563731 que ta maneha si Joshua Desaca Sembrano, deci nueve anyos el edad, estudiante y residente de Zone-7 Calle Sto. Nino barangay Ayala y un Toyota Hilux que ta maneha si Emmanuel V. Catarata, trenta’y tres anyos el edad,casaw y empelyado del DPWH.
Base na investigasyon del Ayala Police Station el mencionao motorsiclo en camino para na Sitio San Ramon en este ciudad y accidentalmente ya man bangga este con el Toyota Hilux que aquel maga tiempo ta man u-turn na mencionao ncamino. Ambos maga vehiculo ya contene maga damage y con el driver del motorsiclo enseguidas ya llyeva na Labuan General Hospital pormedjo del ambulansiya del Talisayan rescue para na curada medical. Ambos vehiculo ya llyeba na Ayala Police Station para na propio desposisyon. (Cristine Falcasantos)