Total de 227 residentes el ya beneficia na un actividad de extension medica y dental na municipio del Kalawit, Zamboanga del Norte, asegun con el 97th Infantry Battalion (IB) del Lunes.
El 97IB ya conduci con el actividad como de ila participacion na celebracion del aka-34 aniversario de municipio de Kalawit del Viernes, Febrero 9
Asegun con el 97IB, 120 del 227 total benefciarios el ya recivi libre consultacion medical, 31 ya manda aranca diente, 44 bata con el edad de ocho hasta 15 el ya manda capa, y 32 ya corta pelo.
Durante el actividad, tiene tamen el total de 21,600 centimetros cubicos del sangre el ya dona.
Con el actividad de extension medica y dental ya participa mga doctor del 1st Infantry division, Rural Health Unit del Kalawit, y Dr. Jose Rizal Memorial Hospital.
Mientras tanto, si Tiniente Coronel Jimmy Sanz, el comandante del 97IB, con honor ya recivi un Placa de Reconocimiento durante el programa del aka-34 aniversario del municipio de Kalawit.
El gesto ta reconoce con el inquebrantable compromiso del 97IB para servi con el comunidad por medio de preservar el paz y orden del municipio. (B. Garcia, photo courtesy of 97IB)