Mokabat sa 120 ka mga residente ang nakabenepisyo sa libreng medical check-up, 31 ang nagpakuha sa ngipon, 44 ka mga bata nga nag-edad og 8-15 ang natuli, 32 ang naka-avail sa libreng pagpagupit, ug 21,600cc ang kinatibuk-ang dugo ang nadonar, kini pinaagi sa pag-organisar sa Medical and Dental Outrich Activity atol sa pag selebrar sa ika 34th Araw ng Kalawit nga gipahigayon sa Kalawit Municipal Gymnasium,Zamboanga del Norte niadtong Pebrero 9,2024.
Ang maong aktibidad gisalmotan sa 97th Infantry “Kalasaglahi” Batallion, ubos sa pagpangulo ni Lieutenant Colonel Jimmy J. Sanz, Commanding Officer uban sa koordinasyon sa
Medical & Dental Team sa 1st Infantry (TABAK) Division nga pinangulohan ni Kapitan Almanzhor G. Sendad ug Kapitan Pauline N. Gonzalo, Rural Health Unit sa Kalawit nga gipangulohan ni Dr. Earl Ryan L. Espra, MHO ug Dr. Jose Rizal Memorial Hospital,nga pinangulohan ni Benjamin L. Mutia, Medtech III nga nipahigayon og bloodletting activity.
Sa samang higayon, si Lt. Col. Sanz, ang Commanding Officer, nakadawat ug Plaque of Recognition isip pasidungog atol sa maong programa.
Giila sa maong lihok ang dili matarug nga pasalig sa batalyon sa pagserbisyo sa komunidad pinaagi sa pagpreserbar sa kalinaw ug kahapsay sa maong lungsod.
Si Lt. Col. Sanz, nagpahayag sa iyang pasalamat sa maong pag-ila ug gipasiugda ang dedikasyon sa 97th Infantry Battalion sa pagpatunhay sa responsibilidad niini sa komunidad.
Matod niya ang batalyon nagpabilin nga lig-on sa iyang misyon sa pagsuporta sa komunidad ug pagtampo sa kinatibuk-ang kalamboan ug kaayohan sa iyang mga residente.
Dugang pa ni Lt. Col. Sanz nga
ang malampuson nga pagpatuman sa medikal ug dental outreach nga kalihokan nagpakita sa pasalig sa yunit sa pagserbisyo sa katawhan sa Kalawit ug sa palibot nga mga dapit niini.
Ang Batalyon usab nagpahayag sa ilang pasalamat ngadto kang Hon. Salvador Antojado Jr. nga mao ang Municipal Mayor alang sa suporta niini sa pagsugod sa Outreach Activity ug gisubli ang dili matarug nga pasalig sa pagpadayon sa pagserbisyo sa komunidad sa lain-laing mga kapasidad. (Medalyn U. Borja, RPN DXKD Correspondent, hoto courtesy of 97th Infantry “Kalasaglahi” Battalion)