El City General Services Office (CGSO) ya anuncia cay operado de energia solar el 90 por ciento del mga farolas na centro de distrito de negocio, incluido na mga camino de barangay dentro de siete kilometros.
Asegun con Ingeniero Rene Dela Cruz, el jefe de CGSO, el Alcalde John Dalipe ya aloca P52 millones fondo para el año 2024 para el compre y instolacion del mga de calidad luz solares.
Asegun con Dela Cruz, el mga personajes del CGSO ta bisia el operacion del mga luz solares con el orden para inmedietamente cambia con el mga bombilla el momento hay queda malo.
Si Dela Cruz ya habla, el servicio del luz solar ta alcansa hasta cuatro para sinco años.
Asegun con Dela Cruz, el objetivo de gobierno local para usa luzes solar amo para menora el consumo de electricidad del gobierno del ciudad.
Si Dela Cruz ya habla, el alcalde ya aprova ya el alocacion de P120 millones para compra pa mas luzes solar para instola ng mga calle del ciudad. (B. Garcia)