El 64th Infantry Battalion (64IB) formalmente ya recivi con el 25 nuevo designao soldao durante un ceremonia de ritos de recepcion y ponida del parche de unidad, asegun con el militar del Jueves.
El ceremonia ya conduci del Lunes na quartel de 64IB na Barangay Matalin, Malabang, Lanao del Sur.
Asegun con el 64IB, el ritos de recepcion, es un tradicion preciada y consagrada del batallon, que ta proporciona un significante occasion para con el mga nuevo designao soldao abraza el valor fundamental que ta define los caballeros del batallon: honor, disiplina, y unidad.
El ponida del parches de unidad ta marka un significante momento para con el mga nuevo designao personajes, simbolizando de ila nuevo papel y responsibilidades que hay carga sila como mga miembros de distinguido batallon.
Asegun con el 64IB, cada uno de ila ya recivi de ila parche que ta servi como un poderoso recordatorio del fuerza, solidaridad y camaraderia que ta uni hunto con el caballeros, reforzando el duradero espiritu de hermandad dentro de ila grupo. (B. Garcia)