El mga personajes del 1st Special Operations Unit (1SOU) del Philippine National Police-Maritime Group (PNP-MG) exitosamente ya conduci un actividad de siembrada de pono’y palo na provincia del Tawi-Tawi, asegun con el policia del Miercoles.
Asegun con el 1SOU, el siembrada de pono’y palo ya conduci del Martes na Barangay Karungdong, Bongao, el capital del provincia del Tawi-Tawi.
Asegun con el 1SOU, el grupo ya siembra mga semilla de Marang y Tulingan, marcando un significante contribucion na esfuerzo de preservacion del medio ambiente na region.
El iniciativa ya demostra el dedicacion del 1SOU para na sostenable practicas ambientales mientras ta fomenta asociacones con el local comundad.
Por medio de tomar parte en el actividades, el PNP-MG ta continua promove el valores del respetuoso del medio ambiente y fortalece el coneccion entre el servicio publico y administracion ambiental.
El actividad ya hace en colaboracion del mga estudiantes de criminologia del Tawi-Tawi Regional Agricultural College y voluntarios SOS como parte del mensual actividad de simultaneo one-time big-time de relaciones policiales con la comunidad del 1SOU. (B. Garcia)