Seis soldao y tres terorista el ya muri mientras cuatro otro mga soldao el ya iri na serie de tirahan na provincia del Lanao del Norte, asegun con el 1st Infantry Division (ID) del Lunes.
Asegun con el 1ID, el serie de tirahan ya ocuri del Domingo na Barangay Ramain, Munai, Lanao del Norte.
Asegun con el 1ID, el serie de tirahan ya ocuri cuando ya conduci ofensiva mga soldao contra con el mga miembros del Dawlah Islamiya-Maute Group na Barangay Ramain.
El tirahan ya alcansa dentro de dos horas que ya result ana muerte del seis soldao y tres terorista. Cuatro otro soldao el ya iri durante el tirahan.
El 1ID nohay nombra con el mga muerto y irido soldao puera lang de hablar cay mga personajes sila del 44th Infantry Battalion.
El mga soldao ya recubri con el un resto del tres muerto terorista y un rifle M-16 y otro uno rifle M1-4 na lugar del tirahan.
Si Major General Gabriel Viray III, el comandante del 1ID ya expresa su gratitud con el valenteria y dedicacion del mga soldao que ya demonstra sila durante el tirahan contra con mga terorista na Lanao del Norte. (B. Garcia, photo courtesy of 1ID)