Seis antes mga rebelde New People’s Army (NPA), con quien ta llama ahora como mga “friends rescued (FR)”, ya recivi ayuda financial desde’l Departamento de Bienestar Social y Desarollo (DSWD) na provincia del Zamboanga Sibugay.
El distribucion del ayuda financial ya conduci el DSWD por medio del Oficina Provincial de Bienestar Social y Desarollo en asosacion con el Provincial Task Force to End Local Communist Armed Conflict (PTF-ELCAC) y 44th Infantry Battalion (IB) na capitolio del provincia na Ipil, Zamboanga Sibugay.
El 44IB ya anuncia del Huwebes cay cada uno del seis beneficiarios ya recivi P5,000 o el total cantidad de P30,000.
El 44IB ya nombra con el mga benefociarios del ayuda fincial como canda Julian Sinto, Gemma Sistoso, Anthony Sumagang, Leonilo Paner, Jemar Omandam y Private Albert Roy Tiondo.
Asegun con el 44IB, ya dale el ayuda financial para suporta el necesidades de cada dia del mga antes rebelde amediante del de ila reintegracion para na sociedad convencional.
El 44IB ya promete que continua de ila suporta con el govierno local na implementacion del programa del PTF-ELCAC para con mga vivientes del provincia del Zamboanga Sibugay.
Asegun con el 44IB el, sustenida del convergencia ay asegura el continuada de servicio del govierno y alivia el la vida del mga antes rebelde. (B. Garcia) (Photo Courtesy of 44th Infantry Battalion)