Ya conseja si Tiniente General William Gonzales, el comandante del Western Mindanao Command (Westmincom), con mga tropa del 5th Scout Ranger Battalion (5SRB) para mantene el disiplina de “ranger” y firmi esta humilde a pesar el mucho acomplisimiento de ila.
Ese el mensaje de Gonzales como huesped de honor durante el ceremonia de despidida ya conduci el 101st Infantry Brigade para con el 5SRB na pantalan del ciudad de Lamitan na provincia del Basilan del Miercoles.
El mga tropa del 5SRB ya viaja para na Luzon y ay esta sila bajo el “retraining” despues el largo periodo que ya sirvi sila na provincia del Basilan.
Durante el ceremonia de despedida, si Tiniente Coronel Stephen Encarnacion, el comandante del 5SRB, ya somete de ila “report” de acomplisimiento con Gonzales.
Na mismo ceremonia, si Gonzales ya presenta el placa de agradecimiento con el 5SRB por el de ila significancia contribucion na mantencion de paz na Basilan.
(B. Garcia, photo courtesy of 101st Infantry Brigade)
