Total de 5,983 ciudadanos mayores el ya recivi de ila incentivo desde con el gobierno local que ya facilita el Oficina de Desarollo y Bienestar Social del Ciudad, o CSWDO.
Asegun con el CSWDO del Jueves, cada uno del mga beneficiarios del incentivo ya recivi P2,000 que ta cubri dos cuartos del año.
Asegun con el CSWDO, P1,000 el incentivo del cada un ciudadanos mayores cada un cuarto del año.
El pago del incentivo que ya hace del Martes y Miercoles ya encabesa el Alcalde John Dalipe.
“Este fondo estaba na gobierno, pondo este de gobierno. Hinde este mio dinero. Dinero este del gente, debolbe otravez na gente,” si Dalipe ya habla na su mensaje.
El pago del incentivo ya hace na diferentes lugar. Del Martes el pago ya conduci na Coliseo de Agan na Barangay Tetuan, na cancha cubierta del Barangay Guiwan y na salon barangay de Arena Blanco.
Asegun con el CSWDO, el pago de incentivo del Miercoles ya hace na mga barrios de Lumayang, Lumbangan, y Divisoria. (B. Garcia)