El 1st Infantry Division (1ID) exitosamente ya bendici, inagura y entrega con el nuevo componido y mejorao facilidades del Lunes na Campo Cesar Sang-an, Barangay Upper Pulacan, Labangan, Zamboanga del Sur, asegun con el militar del Jueves.
Asegun con el 1ID, el mga nuevo inagurao facilidades amo el cuartos del mga mujer oficiales, el edificio de contacto del mga comandante de brigada, y el instolacion del estado de arte del sistema de aire condicionado na centro de bienestar del Tabak.
Asegun con el 1ID, el cuartos del mga mujer oficiales hay proporciona un comfortable y segurao espacio habitable y necesidades del mga mujer oficiales, fomentado de ila crecimiento profesional y desarollo.
El edificio de contacto del mga comandante de brigada hay mejora el colaboracion y coodinacion entre mga comandantes de brigada, mejorando mas el eficiencia operacional.
Asegun con el 1ID, el instolacion del estado de arte del sistema de aire condicionado significamente hay mejora el comfortabilidad y usabilidad del centro de bienestar, proporcionando mas conducivo medio ambiente para el aptitud fisica y bienestar mental.
Na su mensaje, si Major General Gabriel Viray III, el comandante del 1ID ya expresa su gratitud por el exitoso complecion del mga proyectos y ya descata el importancia del mga mejoramientos para el bienestar del mga personajes.
El complecion del mga proyectos ta refleja el dedicacion para moderniza con mga infraestructura militar y asegurando cay el mga personajes hay tene acceso ng mga recursos que necesita sila para prospera ambos personal y professional. (B. Garcia)