El 55th Infantry Battalion (55IB) ya adopta un tactica para convinci rendi con el mga restante miembros del New People’s Army (NPA) na zonas de interior del provincias del Lanao del Sur y Bukidnon, asegun con el militar del Martes.
Asegun con el 55IB, el tactica amo por medio de hacer cay mga folletos usando helicoptero na zonas de interior del municipio del Maguing, Lanao del Sur, y na Talakag, Bukidnon.
Asegun con el 55IB, mas o menos 2,000 folletos el ya haca cay mga soldao na mga pasada del mga rebelde NPA dos provincia del Domingo.
Indicao na folletos el mga beneificio que ta ofrece el gobierno con aquellos quien hay rendi bajo’l programa del Enhanced Comprehensive Local Integration Program (E-CLIP).
El 55IB ya habla cay hay esta sila resuelto na de ila dedicacion para informa con el publico sobre el de ila programa mientras sosteniendo con el paz y orden na provincia del Lanao del Sur. (B. Garcia)