El 53rd Infantry Battalion (IB) ya participa con el actividad de donada de sangre del “Philippine Army” este dia de Sabado, Marso 9.
Asegun con el 53IB, el donada de sangre es parte del actividades del 127 aniversario del Philippine Army.
El 53IB ya conduci con el mencionao actividad na de ila quartel na Barangay Poblacion, Guipos, Zamboanga del Sur.
Aquellos quien ya dona sangre ta inclui mga oficiales y personajes del 53IB y de ila dependientes, mga miliciano, antes rebelde y otro mga partes interesadas.
Asegun con el 53IB, el donada de sangre hinde lang ta reforza el reserva local de sangre pero ta dale tamen mira el mafuersa relacion entre el mga soldao y el comunidad.
Asegun con el 53 IB, este iniciativo ya llega mas con el tradicional papel del militar na defensa nacional y ta dale importancia con el espiritu humanitaria que ta apuntala con el servicio del Philippine Army na pais.
El 53IB ya conduci el actividad de donada de sangre junto con el “Philippine Red Cros Zamboanga del Sur-Pagadian City Chapter” y “Guipos Rural Health Unit”. (B. Garcia)