El mga autoridad ya aresta un persona y ya confisca P680,000 valor de droga ilegal na provincia del Lanao del Sur, asegun con el policia del Lunes.
Si Police Colonel Robert Daculan, el director del policia na Lanao del Sur, nohay mas nombra con el arestao suspechao, quien un de edad legal individual.
Asegun con el Daculan, con el suspechao ya aresta na un operacion de compra busto mga alas 11 del Viernes denoche na Barangay Luksadatu, ciudad de Marawi, Lanao del Sur.
Asegun con Daculan, ya confisca na posesion del arestao suspechao mas o menos 100 gramos de suspechao shabu enpaquetao na dos termosellada transparente plastico sobrecitos que tiene el valor de P680,000, y dinero de compra busto.
Asegun con Daculan, con el arestao suspechao ya pone bajo’l custodia del policia na ciudad de Marawi para el propio documentacion.
Si Daculan ya habla, con el suspechao hay planta el caso por violacion del Ley Integral de Drogas Peligrosas de 2002. (B. Garcia)